اخفقوا او ربوا او اضربوا البيض "اللى تفهموه" وعليه الفانيليا ونص ليمونه لحد ما يهيش ويبقا كتير اخلطو السمن والسكر مع بعض امزجوهم بالمضرب لحد ما يتحول لونهم للأبيض وضيفوا اللبن وامزجوهم كويس بردو بالمضرب ضيفوا للخليط السابق البيض المخفوق وامزجوهم مع بعض كويس- وبعدين ضيفوا الدقيق المخلوط بالبيكنج بودر حبه حبه مع التقليب بأصابع اليد او بملعقه بلاستيك خاصه بالحلويات صبوا الخليط فى صينيه متوسطه مدهونه بالسمن حتى لو تيفال بردو ادهنوها حطوها فى فرن متوسط الحراره حوالى 25 دقيقه او لحد ما تستوى وتكون دهبى اللون لما تخرج نقلبها على جريليا سلك وسيبوها تبرد حضروا الجيلى زى ما مكتوب على العلبه بتاعته (2كوب مياه فى اناء ونضعه على النار حتى يغلى وبعدين نضيف باكو الجيلى وحوالى 3 ملاعق سكر ونقلبه كويس لحد ما يدوب ونطفى النار ونكون مجهزين 2 كوب مياه مثلجه ونقلبها على الجيلى ونقلب كويس ونسيبه شوى يبر)
نفس الصينيه اللى عملنا فيها الكيك نفضيها ونغسلها ونصب فيها الجيلى، ونقطع فيه شرائح تفاح وموز ونرصه على شكل ورده (لو دققتوا فى الصوره هتشوفوها) ونحطه فى التلاجه يتجمد لما يجمد نحط الكيكايه فوقيه وونكون مجهزين فوطه ساخنه نمشيها تحت الصينيه علشان تفك الجيلى ويتقلب سليم من غير ما يبوظ وما تغيبى الفوطه تحت الصينيه لحسن الجيلى يسيح خالص نقلبهم فى طبق التقديم ، كدا خلاص...زينوها بالكريم شانتى والفراوله فى كمان "تارت فراوله" يشبه له بس ألذ ولاذع شوى ممكن نصب بعض من خليط الكيك فى قالب صغير "بريوش" وبعد ما يستوى نحشيه من جواه بالكريمه ونزينه بالكريم شانتى والفراوله واللى حواليه ده عباره عن صوص فراوله، او فراوله مطبوخه على النار مع السكر ونضف لها ليمونه ولما يبرد نصبه جنبها
الْـــعُـــــمْـــــــــر
Subject: تورتة جيلى بالفواكه 
Mon 20 Jun 2011, 2:28 pm