❤● نفسك تتوبــــــي ....تعـــــــــــالي ●❤● -

حبيباتي في الله اشهد باني احبكم في الله
باذن الله هنبدا حمله جديده معاكم
حمله من نوع خاص وانا حسه في كتير جدااا محتاجها
تعالوا نجدد النيه مع ربنا
ونبدأ بسم الله
أسم الحملـــه ايه ياترى ؟؟؟

*
*
*
" نفسك تتوبي ..... تعالي نساعد بعض "

ياتري مين وهي بتقرأ اسم الحمله قالــت .. ياااااااه
انا هتوب من ايه ولا ايه ولاايه
مانا بتوب وبضعف وبرجع للمعاصي تاني
وانا بقولك باذن الله المره دي هتبقى ارداتك قويه علشان انتي مش لوحدك
ومع بعض هنقدر ننتصر علي الشيطان وحنقول
قررنا نتوب وكفايه ذنــوب

●❤● نفسك تتوبــــــي ....تعـــــــــــالي ●❤●


المره دي ان شاء الله عاوزين نجدد النيه وقولي يارب
انا محتجالك بجد خليك جمبي ومتسبنيش انا حتوب لكن المرادي ...
توبــة صــــادقة باذن الله

✿ ✿ ✿ ✿ ✿ ✿ ✿ ✿
واحده ممكن تقولي انا كويسه الحمد لله
بصلي وبصوم و بقرأ قرآن ومحجبه وكله تمام
يعني مش بعمل حاجه غلط
مممممممممممم - طيب بتعملي ايه تاني ف يومك ؟؟؟
يعني بسمع اغاني بس مجرد تسليه
و بتفرج على مسلسلات بس مش كتيره و ممكن فيلم كوميدي اهو بملى فراغي
و شويه كلام ف التليفون يعني فضفضه كده لو حد مدايقني ولا حاجه

طيب انتي فاكره الحاجات دي بسيطه و عادية يعني مفيهاش مشكله.؟؟؟!!
لاوالله
الحاجات دي ممكن تكون في نظرك صغيره
لكن عند ربنا فيها ذنب كبيــر ومحتاج توبه


●❤● نفسك تتوبــــــي ....تعـــــــــــالي ●❤●


طب يعني ايه توبـــة؟
نتوب عن المعصيه يعني نبعد عنها ونندم عليها و ننوي منرجعلهاش أبدا ً
وخلينا متفقين ان كلنا بنعمل ذنوب
امبارح عملنا ذنب و انهارده ذنب وبكره ذنب و بعده ذنب وووو
يعني جباااااااال من الذنوب
صح الكلام ......
طيب مهو بالشكل دا قلبك هيسود من الذنوب وهيموت
كده مينفعش لازم نعمل وقفه مع نفسنا ونقول للشيطان لاء كفايه كده
عاوزين نتووووووب قبل ما الموت يجيلنا فجأه و احنا على معصيه
عاوزين ناخد بـ أيد بعض

●❤● نفسك تتوبــــــي ....تعـــــــــــالي ●❤●

و متقوليش بكره حتوب انا لسه صغيره
لانك مش ضامنه هتموتي امتي
عاوزين نتوب من معاصي كتير من ..... ومن........ ومن .....
الذنوب كتير وكل واحده عارفه هي نفسها تتوب من ايه

●❤● نفسك تتوبــــــي ....تعـــــــــــالي ●❤●

انتي مش خايفه من الموت ؟
وانتي لسه علي المعاصي وكل يوم بتأجلي التوبه
انا عارفه الاجابه ....... طب مستنيه ايه
الموت بيجي فجأه مهما الدنيا طالت والعمر قصير

●❤● نفسك تتوبــــــي ....تعـــــــــــالي ●❤●

انتي مش قادره تسيبي المعصيه دي ليه ..... ياتري هتقدري علي النار
هتقدري علي عذاااااااااااب القبر .. لا والله محدش مننا يقدر
يلا متضيعيش وقت العمر بيجري يلا سارعي بتوبه نصوحه
متخليش الشيطان يضحك عليكي ويقولك توبتك مش هتتقبل انتي عملتي كتير اوي
قال تعالي
(( قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ
إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ ))

عاوزاكي تحسني الظن بالله
يلا اقبلي علي الله وتوبي توبه صادقه وخلي عندك إراده قويه
واستعيني بالله وتقربي منه ودوقي حلاوه الايمان في قلبك
أبشري بالخير حبيبة قلبي
يلا ناخد بأيد بعض
ونقول من النهارده هنتوب من كل الذنوب


●❤● نفسك تتوبــــــي ....تعـــــــــــالي ●❤●

طيب ايه الحل ؟؟؟
الحـــــــــل اننا نتوب توبه صادقه بقه بجد
انا عاوزاكي تقري الكلام ده بقلبك مش بعيونك
قال الله تعالي :
﴿ يَا أَيُّهَا الَّذِينَ آمَنُوا تُوبُوا إِلَى اللَّهِ تَوْبَةً نَصُوحًا ﴾

قولي لربنا أنا أمتك الذليله الفقيره
أنا جياالك يارب وكلي ذنوب وبطلب منك العفو
سامحني يارب ..... قوليلها بخشوع بقلب صادق مقبل علي الله
قلب مقبل علي توبه صادقه نصوحه باذنه الله
انا حسه كل واحده من جواها نفسها تتوب لكن خايفه تضعف وترجع تاني
لكن بإذن الله سوا هننتصر علي الشيطان ونعين بعض علي الطاعه وحنقدر نتوب
ركزي معايا فـ اللي جاي...

●❤● نفسك تتوبــــــي ....تعـــــــــــالي ●❤●


النظام حيكون ايه ؟؟؟
هنعمل جدول مع بعض نمشي عليه لمده شهر يلا هاتي ورقه وقلم واكتبي معايا
جدول العباده

✿ ✿ ✿ ✿ ✿ ✿ ✿ ✿

1-هلتزم بالصــــلاه


2- حصحح حجابي وألتزم بالحجاب اللي يرضي ربنا
3-حياتي بلا اغاني
4-مش هخون اهلي واكلم شباب علي النت ولا في الجامعه
5-التيلفزيون .. لا للافلام والمسلسلات ومشاهده المتبرجات
6- حياتي بلا غيبه او نميمه

✿ ✿ ✿ ✿ ✿ ✿ ✿ ✿ و أي سؤال محرجه تسأليه علي العام
هيكوم معاكم طاقم إشراف لأي سؤال علي الخاص

●❤● نفسك تتوبــــــي ....تعـــــــــــالي ●❤●

هيكون في نظام غياب وحضور في الحمله
هنتجمع كل يوم بعد صلاه العشاء
نتكلم ونتناقش في اي حاجه تحتاجوها
و
هيكون معانا
دروس ومحاضرات عن التوبه والكثير من المحاضرات
إعداد المشرفات
في انتظارك اشتراكم معانا لكي ننتصر علي الشيطان
وهتلاقو صحبه طيبه معاكم بأمر الله